Ikus-entzunezko sorkuntza

Egonaldia Frantziako R14 dantza konpainiaren, Zinetika Jaialdiaren eta La Faktoria CCren arteko lankidetzatik sortu da. Helburua La Faktoriako Creators taldeko ikasleekin batera bideodantza ikus-entzunezko lanen sorrera sustatzea da, Julien Grosvalet koreografoaren, Laura Colmenares artista bisualaren eta Laida Aldaz zentroko zuzendarikide eta ikus-entzunezko artistaren gidaritzapean.

Aurretik, Arena Productions Nafarroako dokumental zineman eta ikus-entzunezko sorkuntza murgiltzailean espezializatutako ekoiztetxeak astebeteko ikastaro tekniko bat eskainiko du, bideodantzari aplikatuta.

Egoitza honetako ikasleek minutu bateko bideodantza piezak sortu, grabatu eta postproduzituko dituzte profesional hauen gidaritzapean. Filmak Zinetika Jaialdiko Student Films atalaren barruan erakutsiko dira:

• 2026/12/10: Trueba Zinemak, Donostia
• 2026/12/12: Civican, Iruñea
• 2026/12/13: Guggenheim Museoa, Bilbo