DANIEL ABREU

Daniel Abreu dantzaria eta koreografoa da. Madrilen bizi da, eta psikologian lizentziaduna da UNEDen. Dantzaren Sari Nazionala jaso zuen 2014an, sormenaren kategorian. Bere konpainiaren zuzendaria da; Madrilen 2004. urtean sortua. Orduz geroztik, hirurogeitik gora lan koreografiko sortu ditu, eta nazioko eta nazioarteko hainbat jaialditan aurkeztu ditu. Halaber, beste sortzaile eta konpainia batzuekin lankidetzan jardun du sorkuntza-proiektuetan eta zuzendaritza- eta prestakuntza-laguntzaile gisa. Besteak beste, Provisional Danza, Matarile Teatro, Lanónima Imperial, Teatro Cuarta Pared eta Marina Wainer konpainientzat lan egin zuen. Hainbat antzoki, jaialdi eta prestakuntza-zentrotan eskolak eta ikastaroak eman ditu Europan, Asian eta Amerikan, gorputza teknikatik eta adierazkortasunetik bideratuta. Workshop Daniel Abreuk gorputzean oinarritzen du bere irakaskuntza-prozesua, fisikoaren ezagutzatik, mugetatik eta aukeretatik gorputzaren erabilera egokia egiteko. Dantza formaletik lan eginda ere, gorputz gidatuaren eta lagunduaren egiturara hurbiltzen da, keinuzko eta mugitzen ari den gorputzera. Eta hori guztia dantzan. Ezagutzak baliatuko ditugu gorputzaren egituran eta gorputzaren mugikortasunean sakontzeko. Kontzientzia zelularra, gorputz-egitura, euskarriak, pisua, bultzada, norabidea, proiekzioa… Teknika; komunikatzen duen gorputzaren tresna integratzailea, kontzientzia duen gorputzarena. Koreografia-sekuentziak, inprobisazio-ereduak, jolasak eta talde-dinamikak eraikiz eta oharrak eginez, modu libreagoan eta gidatuagoan mugiarazten gaituena sentitzen eta jasotzen dugu.