LA FAKTORIA 2024-2025, PROGRAMARI BURUZKO INFORMAZIOA
Hemen kontsulta dezakezu entzunaldiak noiz eta non eginen diren:
BI PROGRAMEN ENTZUNALDIAK:
- BRUSELA – KONPAINIAREN ESTUDIOAK. AZKEN EGUNA – 2024ko APIRILAREN 7a
- IRUÑEA – LA FAKTORIA – 2024ko APIRILAREN 13a
- MADRIL – BROADWAY HOUSE ESTUDIOAK – 2024ko APIRILAREN 20a
- BARTZELONA – LA CALDERA – 2024ko MAIATZAREN 4a
* EGUNERATZEA: 2024- 2025 programarako entzunaldiak amaitu dira.
AZKEN JAKINARAZPENAK:
2024ko maiatzaren 20an, entzunaldietako hautagaiek posta elektroniko bidezko mezu bat jasoko dute emaitzekin. La Faktoriak gure ikastetxean plazarik ba ote duten eta zein programatan duten jakinaraziko die. Zuzendaritzak aintzat hartuko du hautagaiak egin duen programaren hautaketa, baina, aldi berean, aintzat hartuko du zer gaitasun dituen hautagaiak hari plaza bat eskaintzeko.
2024-2025eko PROGRAMAREN TARIFA
2024-2025 programako tarifa, guztira, 6.000 euro izanen da. Horren barnean dira: izena emateko 1.000 euroko kuota, eta 5.000 euroko matrikula.
La Faktoriak ez dauka beka-programarik. Programan parte hartuko dutenak beren herrialdeetan tokiko eta estatuko laguntzak eta fundazio pribatuen dirulaguntzak aurkitzera animatzen ditugu.
ORDAINTZEKO MODUAK ETA EPEAK
Ordaintzeko moduak honako hauek izanen dira:
Hautagaiak baiezko erantzuna jasotzen duenean, bi aste izango ditu gure ikastetxean izena emateko, eta 1.000 euroko tarifa ordainduko du. Zenbateko hori ez da itzulgarria, hautatutako hautagaiari aukera ematen baitio bere lekua gordetzeko taldean.
Parte-hartzaileak izena eman eta izena emateko tarifa ordaindu ondoren, 2024ko abuztuaren 30era arte izango du 5.000 euroko matrikula-tarifa ordaintzeko.
2024-2025eko PROGRAMARI BURUZKO ARGIBIDE PRAKTIKOA
PROGRAMEK, GUZTIRA, 37 ASTEKO IRAUNALDIA IZANEN DUTE:
2024ko urriaren 7an hasiko dira eta 2025eko ekainaren 20an bukatu.
Oporraldiak:
- 2 asteko oporrak 2024ko abenduan
- Asteko beteko oporrak 2025eko martxoan
- 2 asteko oporrak 2025eko udaberrian
La Faktoriak 2 programa desberdin ditu:
PRESTAKUNTZA PROGRAMA, dantzari profesional bihurtzeko prestakuntza jaso nahi duten 18 urtetik gorako ikasleentzat. Prestakuntza-programako parte-hartzaileek oinarri tekniko sendoa sortuko dute nazioarteko irakasle askorekin lan eginez, eta, aldi berean, beren sormen-unibertsoan haziko dira, beren gaitasun guztiek mailarik gorena lor dezaten eta dantzari eta mugikortasuneko profesional gisa beren bizitza profesionalerako presta daitezen.
PRESTAKUNTZA-PROGRAMA
PROGRAMA HAU 5 EGITURA DESBERDINETAN ANTOLATUTA DAGO:
- ASTEAK GONBIDATUEKIN
- LABORATEGIKO ASTE MONOGRAFIKOAK
- SORMEN-ASTEAK KONEKTATURIK
- TEKNIKAKO ASTEAK
- SORMEN-ASTEAK
Klaseak, lantegiak, sormeneko asteak eta laborategiko eta sorkuntzako asteak astelehenetik ostiralera izanen dira.
1.ASTEAK GONBIDATUEKIN:
Aste horietan klase teknikoa eta lantegiak konbinatuko dira.
Klaseak goizez 9:30etik 11:00etara izanen dira eta teknika hauek landuko dira:
Balleta (dantzari garaikideentzat), askapen-teknikak, lurreko lana, yoga eta gorputz-tenperatura (teknika horiek hainbat konbinaziotan banatuko dira programan, lantegi bakoitzean eginen den jarduera fisikoa aintzat hartuta).
Klase teknikoen ondoren:
Irakasle gonbidatuekin eginen diren lantegiak 11:15etik 17:15era izanen dira, tartean ordubete izanen da bazkaltzeko.
Irakasle gonbidatu bakoitza 2 astez egonen da La Faktorian.
Lantegi horietako batzuek erakusketa ireki bat izanen dute prozesuaren amaieran, La Faktoriaren estudioetan.
- LABORATEGIKO ASTE MONOGRAFIKOAK:
Laborategi koreografikoak 10:00etatik 17:00etara, tartean ordubete izanen da bazkaltzeko.
Aste horiek monografikoak izanen dira. Koreografoak beroketa-jarduerarekin antolatuko du eguna. Aste horietan ez da teknikako klaserik emanen, parte-hartzaileek programara gonbidatutako koreografo baten unibertsoan murgiltzeko aukera izango baitute egun osoan zehar.
Koreografo bakoitza 2 astez etorriko da La FAKTORIAra.
Lantegi horietako batzuek erakusketa ireki bat izanen dute prozesuaren amaieran, La Faktoriaren estudioetan.
3. SORMEN-ASTEAK KONEKTATURIK
Beren lan pertsonala sortu, sormenezko prozesu kolektibo baten parte izan edo Sortzaileen Programako partaideek zuzenduak izan nahi duten parte-hartzaileei lekua eta denbora emateko diseinatuta daude. La Faktorian 2 estudio daude eta Iruñean beste 6.
- TEKNIKAKO ASTEAK
Teknikako asteetan zehar, teknikako eskolak egonen dira 10: 00etatik 17: 00etara, hainbat konbinaziotan, ordutegiaren arabera:
Aste hauek parte-hartzaileen gaitasun fisikoa eta teknikoa hobetzeko diseinatuta daude.
GONBIDATUAK izanen ditugun ASTEETAN, LABORATEGIKO ASTE MONOGRAFIKOETAN eta TEKNIKAKO ASTEETAN, parte-hartzaileek beren lan pertsonala sortzen jarraitu ahal izanen dute ordutegiaren ondoren. Estudioa 17:30etik 21:00etara egonen da erabilgarri La Faktoriako estudioetan.
- HIRUHILEKO SORTZAILEA KOREOGRAFOEKIN:
Programaren azken hiruhilekoan bi sortze-prozesu egonen dira.
Sormen-prozesu horien koreografoak La Faktoriaren zuzendariak izanen dira: MARTA CORONADO eta LAIDA ALDAZ.
Azken hiruhileko honen asmoa parte-hartzaileei 2 koreograforen zuzendaritzapean lan egiteko esperientzia ematea da, gaur egun dantza konpainia batean beharrezkoak diren tresna profesionalak garatzeko 2 pieza sortzeko.
Pieza batek 5 asteko sorkuntza-prozesua izanen du, Marta Coronadok zuzenduta. Emaitza antzoki batean erakutsiko da.
Beste pieza Laida Aldazek zuzenduko du. Sorkuntza-prozesua 3 astekoa izanen da, jarduera bat leku zehatz batean garatzeko.
Koreografoek beren sorkuntza-premien arabera antolatuko dute ordutegia.
SORTZAILEENTZAKO PROGRAMA dantza-sortzaile izan nahi duten 18 urtetik gorako parte-hartzaileentzat da. Programa horrek hainbat koreografia-profil sortzeko beharrezkoak dituzten espazioa eta azpiegitura emango dizkie. Parte-hartzaileen hausnarketa, planteamendua eta arte-lengoaiaren bilaketa sustatuko ditu.
SORTZAILEENTZAKO PROGRAMA
PROGRAMA HAU 4 EGITURA DESBERDINETAN ANTOLATUTA DAGO:
- ASTEA GONBIDATUEKIN
- IKERKETA-ASTEAK LABORATEGIAN
- SORKUNTZAKO ASTEAK
- TEKNIKAKO ETA TEORIAKO ASTEAK
Klaseak, lantegiak, sormeneko asteak eta laborategiko eta sorkuntzako asteak astelehenetik ostiralera izanen dira.
1.ASTEAK GONBIDATUEKIN
Aste horietan klase teknikoa eta lantegiak konbinatuko dira.
Goizeko klaseak 9:30etik 11:00etara izanen dira, honako teknika hauekin: askatze-teknika, lurreko lana, yoga eta gorputz-tenperatura (teknika horiek hainbat konbinaziotan proposatuko dira programan zehar, lantegiak eskatzen duen fisikoa kontuan hartuta):
Teknikako klaseen ondoren:
lantegiak irakasle gonbidatuekin 11:15etik 17:15era; tartean ordubete izanen da bazkaltzeko.
Irakasle gonbidatu bakoitza 2 astez etorriko da La Faktoriara.
Lantegi horietako batzuek erakusketa ireki bat izanen dute prozesuaren amaieran, La Faktoriaren estudioetan.
- IKERKETA-ASTEAK LABORATEGIAN:
Laborategi koreografikoak 10:00etatik 17:00etara; tartean ordubete izanen da bazkaltzeko.
Koreografoak bere beroketa-jarduerarekin antolatuko du eguna. Parte-hartzaileek ikerketa-laborategi batean murgiltzeko aukera izanen dute, programara gonbidatutako koreografoak gidatuta.
Koreografo bakoitza 2 astez etorriko da La FAKTORIAra.
- TEKNIKA ETA TEORIA
Teknika eta teoria klaseak hainbat modutan konbinatuta, 9:30etik 17:00etara.
Aste hauek parte-hartzaileen gaitasun fisikoa eta teknikoa hobetzeko diseinatuta daude. Aste hauetan eskola teorikoak proposatuko dira; besteak beste, kudeaketa, txosten-egiturak eta ikus-entzunezko teknikak.
4.SORKUNTZAKO ASTEAK LAN PERTSONALERAKO
Parte-hartzaileei sortzeko lekua eta denbora emateko diseinatuak.
La Faktoriako zuzendari Marta Coronado eta Laida Aldaz eta Bertha Bermúdez arduratuko dira aste hauetako coaching artistikoaz eta ikasketak antolatzeaz.
Parte-hartzaile bakoitzak 2 pieza sor ditzake urtean zehar:
– Formatu txikia: Bakarkako edo bikoterako sorkuntza
edota
– Formatu handia: Taldeko pieza bat sortzea. Parte-hartzaileak taldean lan egiteko edo beste dantzarietako batzuekin pieza bat zuzentzeko antola daitezke.
Sorkuntza horien azken emaitza 2024ko ekainean aurkeztuko da.
GONBIDATUAK izanen ditugun ASTEETAN, LABORATEGIKO IKERKETA-ASTEETAN eta TEKNIKAKO ETA TEORIAKO ASTEETAN, parte-hartzaileek beren lan pertsonala sortzen jarraitu ahal izanen dute ordutegiaren ondoren. Estudioa 17:30etik 21:00etara izanen dute erabilgarri La Faktoriako estudioetan. Prestakuntza-programako dantzariek ordu horiek libre izanen dituzte sortzaileek zuzendutako prozesuetan parte hartzeko.
INFORMAZIO OSAGARRIA
OSTATU HARTZEA IRUÑEAN
Parte-hartzaile bakoitzak bere ostatua aurkitu eta ordaindu beharko du programak irauten duen bitartean.
Parte-hartzaile batzuek pisua partekatzen dute. Entzunaldietan hautagaiak aukeratuta eta horien izen-ematea berretsi ondoren, La Faktoriak haien arteko harremana erraztuko du ostatua aurki dezaten.
Kontuan izan Iruñean partekatutako pisu bateko gela baten hileko kostua 350-400 euro inguru dela.
EBALUAZIO-BILERAK
Programak ebaluazio-aldi bat du 2025eko otsail/martxoan.
Ebaluazioa positiboa bada eta parte hartzaileek gure zentroan jarraitzeko interes artistiko handia erakusten badute, gehienez ere elkarren segidako 3 programa jarraitu ahal izanen dute La Faktorian.
Prestakuntza-programako parte-hartzaileak beste urtebetez gera daitezke Sortzaileen programa jarraitzeko.
Prestakuntza-programako parte-hartzaileak bigarren urtez gera daitezke prestakuntza-programan, eta hirugarren urtez Sortzaileen programan.
Prestakuntza-programako parte-hartzaileak bigarren urtez gera daitezke programan.
ASISTENTZIA-ZIURTAGIRIA
Programaren amaieran parte-hartzaileek La Faktoriako zuzendaritzak sinatutako asistentzia-ziurtagiria jasoko dute. Dokumentu horretan koreografoaren eta irakaslearen izenak ziurtatuko dira, baita horien lantegien izenburuak ere.
HIZKUNTZA
Klase eta lantegi guztiak ingelesez izanen dira.
Programan parte hartu nahi duten hautagaiek ingelesa menderatu beharko dute, lana ulertu eta horri buruzko ideiak adierazi ahal izateko. Iradokitako ingeles-maila hizkuntza-sistema ofizialeko B1 da.
