Photo: Txisti

Sorkuntza

La Faktoriaren bitartez, hainbat artelan sortuko dira:

El silencio de las flores (“Loreen isila”)

La Faktorian egiten den lehen sorkuntza-lana da, Marta Coronadoren arte-zuzendaritzapean, eta Laida Aldazen eta Carmen Larrazen laguntza koreografikoarekin. Obraren abiapuntua 2017an Jose Lainezek eta Concha Martinezek jaso zuten Vianako Printzea Saria izan da. Bi horiek Estatuko lehen dantza garaikideko konpainiaren sortzaileak dira. Obran parte hartzen duten guztiek noiz edo noiz horiekin jardun izan dira elkarlanean. Laineztarren sormen-unibertsoko hainbat belaunaldik bat egin dute aipatu sariaren berri emateko enkargatutako pieza horretan. Irailaren 22an izanen da estreinaldia, BaraƱain Auditorioan.

Kirolak

La Faktorian burutuko den bigarren lana da, Laida Aldazen eta Helena Lizariren zuzendaritzapean. 2019. urtearen hasieran abiatuko da.

“Kirolak” izeneko lanak herri-kiroletan du inspirazio-iturri, eta horiek landa-eremuko ogibideetan oinarritzen dira. Dantza garaikidearen bitartez eraldatuz, kulturari bestelako interpretazio bat emanez. Obrak zortzi kirol ditu ardatz: aizkolariak, gizon-proba, harri-jasotzea, lokotx-biltzea, soka-tira, esku-pilota, lasto-altxatzea eta txikiteoa.

2016an, kale-obra bat sortu zen, 12 minutu inguruko iraupenekoa, lau herri-kirol gai hartuta. Kaleko bertsio hori hainbat lekutan erakutsi da: Dantza Hirian, DNA 16 jaialdian, Fitur azokan, DDM jaialdian, Fira Mediterranean Etxepare Institutuaren lankidetzarekin, Bruselan Nafarroako Ordezkaritzaren lankidetzarekin, DNA 18n eta Garesen. Pieza labur horretatik aitzina, antzokirako ordubeteko (gutxi gorabehera) bertsio luzea sortzea erabaki zuten artistek. Horretarako, Gipuzkoako dantzaren etxea den Dantzagunearen Sortutakoak11 arte-egoitza jaso zuten; bertan, bi astetan, 8 kirol horiek aztertu eta sakondu zituzten, eta arte`proposamen berriak sortu ziren. 2018an, DanZalava ekimenak koreografiaren arloko laguntza bat eman die Idoia Zabaletaren eskutik, eta kultura-proiektuetarako ‘Innova cultural’ laguntza jaso dute.