Photo: Adolfo Lakunza

Lur egitzak

LUR dantza garaikiderako eta mugimenduaren arteetarako egoitza artistikoen nazioarteko programa bat da. Iruñean La Faktoria koreografia-zentroaren parte da.

Programaren xedea sormen-gaitasuna suspertzea, arte-pentsamendua garatzea eta artistei ikerketarako tresnak ematea da. Horietarako, espazioa eta azpiegiturak ematen zaizkie, hainbat profiletako sormen-prozesuak landu ditzaten.

Ikerketa-laborategien bitartez sustatzen da; horietan, artistak diziplina anitzeko prozesuetan murgiltzen dira, helburu nagusia esplorazioa izanik, hainbat arlo uztartzen interesa duten artistekin proiektuak ere sortze aldera. Horrela, probintziako kultura-eskaintza zabaltzen da eta arte-molde berriak ezagutzeko interes handiagoa izanen duen publikoa sortzen da. Artisten profesionalizazioa sustatu eta emaitzak erakutsi, La Faktorian edo zentroak sarean lankide dituen antzokietan eta museoetan, egindako obra bukatu batena, prozesu batena nahiz ikerketa batena. La Faktoriak sarean dihardu lanean beste erakunde, jaialdi eta gune eszenikoetan. Sarean, arte-proposamenek beren garapenari jarraipena eman diezaiokete eta ikusgaitasun handiagoa izan dezakete.Egoitza horietan, sortzaileek beren ikerketa estimula dezaketen mintegietan, hainbat arlotakotan, parte hartu ahal izanen dute. Halaber, beste arte-diziplinetako profesionalekin egon ahal izanen dira harremanetan.

Nazioarteko programa izanik, kultura aniztasuna, artisten arteko lan-sareak sortzea, eta Nafarroa atzerrian kultura-sustatzaile gisa agertzea sustatzen dira.